Sumar

Líf mitt í sumarfríinu er ljúft, rólegt og litskrúðugt.

Blómin í kerjunum auka yndi, þ.e.a.s. þau sem lifðu af óhóflega ástúð með næringu úr brúsa ...en það er önnur saga.

Verið er að undirbúa húsið fyrir málningu. Verður þá húsið vænt og grænt.

Freydís kom og Freydís fór. Gleði og tár.

Flogið var til Afríkustranda og dvalið þar í viku í óhemjulega góðu yfirlæti.

Notið var margra bryggjuheimsókna og ennfremur farið af bæ í heimsókna- og heimboða-erindagjörðum. Allt var það dágott og dægilegt.

Síðast en ekki síst bættist við nýr fjölskyldumeðlimur 18. júlí og það er nú aðalgleðifrétt síðari ára. Hún er einkar fallegt og gáfulegt barn, með áberandi Jensens-svip og því geislandi af húmor og hlýju. Ekki orð um það meir.

Fríið er samt ekki búið, there is more to come.

Nokkur sýnishorn:

Athugasemdir

[Hrönn Sigurðardóttir, 27.7.2009 kl. 12:10]

Þú ert kúnstner á lifsvísu!

[Asdis Sig, 27.7.2009 kl. 13:20]

Ljúf færsla og litla ömmustelpan er alveg yndisleg

[reykas (IP-tala skráð) 27.7.2009 kl. 14:10]

Sumarkveðjur. Annars brást rigningin í dag, min kære.

[www.zordis.com, 27.7.2009 kl. 15:27]

Til hamingju með litlu ömmumúsina! Yndislegt að fagna nýju lífi sem kitlar kærleikstilfinninguna okkar.

[Freydis Gudny Hjalmarsdottir (IP-tala skráð) 29.7.2009 kl. 11:28]

Músímú! og ömmukrús! (og frænkukrús!) ég er svo ánægð að þú ert að fara að heimsækja hana! omg.